جلسات نفسية أونلاين

الحجز بيمشي إزاي؟

1. ابعت رسالة على واتسابقول اسمك الأول بس، وانت مقيم فين، ولو حابب قول الموضوع باختصار.
2. نتفق على ميعادبنختار وقت يناسبك، ونتفق على طريقة الدفع.
3. الجلسةساعة أونلاين، فيديو أو صوت. اختار مكان هادي تقدر تتكلم فيه براحتك.

ممكن نشتغل سوا على

• العلاقات والتعلّقليه بتختار نفس النوع كل مرة؟ وإزاي تخرج من علاقة بتوجعك وتختار صح.
• القلق والضغوطلما دماغك مش بتبطّل تفكير، والقلق مأثر على نومك وشغلك.
• الفراغ وفقدان المعنىلما تحس إن حياتك مالهاش طعم. ده تخصص رسالة الدكتوراه بتاعتي: الإرشاد بالمعنى.
• تقدير الذات وجلد الذاتالصوت اللي جواك اللي دايمًا شايفك مش كفاية.
• العادات اللي مش قادر تبطّلهازي مشاهدة الإباحية والسلوك الجنسي القهري. من غير حكم عليك. اقرا الصفحة الخاصة.
• الحزن والانفصاللما تخسر حد أو علاقة، ومحتاج حد يسمعك وانت بتعدّي الفترة دي.

مين هيكون معاك في الجلسة؟

أسئلة قبل الحجز

الجلسة بتبقى إزاي؟

أونلاين، فيديو أو صوت حسب راحتك، ومدتها ساعة. بنتفق على الميعاد وطريقة الدفع على واتساب.

لازم أفتح الكاميرا؟

لأ. لو مرتاح أكتر بالصوت بس، مفيش أي مشكلة.

الكلام اللي بقوله بيفضل سر؟

أيوه. كل اللي بيتقال في الجلسة سري. الاستثناء الوحيد، زي ما هو متعارف عليه في كل المهن النفسية، لو فيه خطر حقيقي ووشيك على حياتك أو حياة حد تاني، ساعتها الأولوية إننا نحافظ على سلامتك.

هحتاج كام جلسة؟

بيختلف من شخص للتاني ومن مشكلة للتانية. في أول جلسة بنفهم اللي انت محتاجه، وبنتفق سوا على خطة تناسبك.

لو محتاج دوا؟

الجلسات مش بيتكتب فيها أدوية. لو حسيت إن حالتك محتاجة تقييم دوائي، هقولك بصراحة وأنصحك تروح لدكتور نفسي.

لو أنا في أزمة دلوقتي؟

الجلسات مش خدمة طوارئ. لو انت في خطر دلوقتي، روح لصفحة محتاج مساعدة دلوقتي أو كلّم الإسعاف.